بیاد استاد مسعود بختیاری

ترانه "بهیگ"

ورستين ورستين اوردن بهيگه

به سر چادر اسبيد و افتو به تيگه

ددوم درگل جم بكن دور چاله

بكش پيش پاس گو تو نرميش كاله

ز آستارهها گل بريزين به شونس

بدين مه و افتونه سی ری گشونس

ددوم رو بكن چالنه پر ز انگشت

بريزين به چاله مله گرگ و دينشت

بگوين ميشكاله بكش ساز كرنا

جغليل سی بازی وريستانه وا پا

بزن تركه بازی و چوپی و سرناز

وری ميشكال دی بكن هف منه ساز

بوازين و تشمال برين وانياسون

برين خرسكانه ونين زير پاسون

بهيگه برين در بدين دور تش خور

بريزين به تش زاگ اسبيد و كندر

وريستين بهيگه اوردن سواره

ز آستاره ميل پا و دستينه داره

سی نفتس يه خالک ز افتو بيارين

سی گوشوارههاس مهنه از رو درارين

نها تش به کوه برچ برچ جهازس

بدين هر چه خواستن ولا ايبرازس

جهازه برين و بچينين سر چل

بخونين دوالالی و هی گل هی گل

دوانه بگوين رخت نونه به ور كن

وری زيتری گو دی ماله خور کن

بزن ميشكال تا كه مردم جم آبون

دهل كو بكو گوش شيطونه كر كن

بوازين سه پا و بگردين به چوپی

دهل كو بكو چوب سرناز و ترکی

بگوين هی گل هی گل سی بخت سفيدس

بريزين نمک پر چشم حسيدس

بیاد استاد مسعود بختیاری...